PROGRAMA PARA O DECANATO DA FACULTADE DE … › export9 › sites › webinstitucional › ...A...

2

PROGRAMA PARA O DECANATO DA FACULTADE DE CIENCIAS DA EDUCACIÓNDA UNIVERSIDADE DE SANTIAGO DE COMPOSTELA PARA O PERIODO 2014-2018

Candidatura da Profa. Dra. Carmen Fernández Morante

PROGRAMA PARA O DECANATO DA FACULTADE DE CIENCIAS DA EDUCACIÓN DA UNIVERSIDADE DE SANTIAGO DE COMPOSTELA PARA O PERIODO 2014-2018

Candidatura da Profa. dra. Carmen fernández morante

Adoptar a decisión de liderar e representar á facultade, especialmente nun momento como o que vivi-mos, esixe primeiro un exercicio de escoita atenta e análise das principais problemáticas e retos que se nos presentan como centro e despois unha reflexión profunda sobre a pertinencia e implicacións (custos persoais e profesionais) que pode ter tal decisión.

Ao longo dos últimos meses máis intensamente, pero en xeral desde a miña reincorporación ao centro despois doutras responsabilidades de goberno, tiven a oportunidade de dialogar con moitos compañei-ros e compañeiras do centro (PAS e PDI) e co alumnado e así poder configurar unha visión da realida-de da nosa facultade “a pe de obra” que xunto coa mirada dende “fora” fixéronme moi consciente da necesidade de liderado, motivación e estratexia para enfrontar con éxito a situación actual na que nos atopamos.

No seguinte documento preséntanse as razóns que motivan esta candidatura, os principios e as liñas bá-sicas de actuación propostos para o Decanato da Facultade de Ciencias da Educación durante o período 2014-2018. Razóns de índole profesional e persoal que nos moven a todo o equipo. Principios (compro-miso e ética) que sustentan esta candidatura e que, en si mesmos, son xa unha declaración sobre como queremos abordar o exercicio de funcións e responsabilidades decanais no caso de que o claustro deste centro deposite en nós a súa confianza. Liñas de actuación e medidas concretas que se derivan tanto da análise da realidade propia como do intercambio mediante o diálogo mantido cos membros desta co-munidade educativa e que configurarán as prioridades que entendemos haberá que atender no período de goberno. Este documento presenta tamén ao final o equipo e estrutura de goberno que se propón para asumir coas mellores garantías este reto.

Evidentemente o funcionamento e mellora deste centro docente e investigador é unha realidade conxun-ta de todos e todas os que integramos e polo tanto, unha responsabilidade compartida, pero a quen asu-ma o decanato corresponderalle liderar e organizar a actividade académica para que todos poidamos desenvolver o noso traballo nas mellores condicións e dende unha visión compartida. Con esa dobre finalidade proponse este programa: formular un proxecto no que todos nos sintamos representados (as nosas preocupacións, inquedanzas e obxectivos) e ao tempo buscar un amplo respaldo e implicación posto que o futuro deste centro depende de todas e cada unha das persoas que o integramos.

3



RAZÓNS POLAS QUE SE PRESENTA ESTA CANDIDATURA

1. O momento delicado e crítico no que nos atopamos como comunidade educativa e que se caracteriza por :

A debilidade da educación na sociedade e o retro-ceso do sistema educativo derivado dunhas polí-ticas claramente antisociais. A Universidade des-envolve unha función social clave e as facultades de Ciencias da Educación deben ser referentes na defensa da ensinanza pública e da cultura cun discurso firme e fundamentado e erixirse como espazos canalizadores das sinerxías dos distintos axentes educativos.

LIÑA DE ACTUACIÓN 1. Proxección exterior, visibili-dade institucional e vinculación cos axentes edu-cativos e sociais.

O cuestionamento por parte da administración do Sistema Universitario público, e do Galego en particular, e a reformulación pola Xunta do catálogo de titulacións oficiais que tamén pode afectar ao noso centro, pola duplicidade de titu-lacións no SUG, a pesar de manterse a demanda.

LIÑA DE ACTUACIÓN 2. Impulso do liderado da USC nas titulacións de Ciencias da Educación no SUG: mellora da docencia, renovación de acreditacións e consolidación da oferta de posgrao.

LIÑA DE ACTUACIÓN 3. Acompañamento, dinami-zación e fidelización do alumnado

O relevo xeracional que se ten que producir de-bido á intensidade de xubilacións no centro. É imprescindible manter e mellorar a posición da facultade no SUG e no Sistema Universitario Es-pañol. Estes catro anos hai que aproveitalos para atesourar a bagaxe profesional e institucional que temos e abordar como obxectivo prioritario o relevo no cadro de PDI e PAS.

LIÑA DE ACTUACIÓN 4. Apoio aos departamentos e unidades administrativas no desenvolvemento das súas funcións e especialmente no relevo do cadro de PDI e PAS do centro.

LIÑA DE ACTUACIÓN 5. Política científica e de apoio aos grupos de investigación e ao profesorado no-vel.

A evidencia de que o noso proxecto de unificación no mesmo edificio, na actual situación financeira da USC, convértese nun proxecto a medio ou lon-go prazo e de que non podemos seguir deposi-tando toda a responsabilidade da integración do campus norte e o campus vida, con todo o que re-presenta de convivencia, recoñecemento mútuo, complementariedade, visión común e cohesión, nun problema de infraestruturas, que por supos-to temos, especialmente no campus norte.

LIÑA DE ACTUACIÓN 6. Cohesión, convivencia e integración real do noso centro en base aos re-cursos e potencialidades complementarias que temos.

LIÑA DE ACTUACIÓN 7 (TRANSVERSAL) Divulgación, extensión cultural e normalización lingüística.

4



2. O convencemento e as gañas de traballar polo futuro deste centro

Despois de escoitar a un bo número de compañeiras e compañeiros son dúas as razóns que me moven a asumir a responsabilidade de dirixir este centro, no caso de que así o determine o seu claustro, e a esas razóns tamén obedece a configuración do equipo que me acompaña:

• O convencemento de que a xestión e o liderado son aspectos inherentes á profesión universitaria que todas/os debemos asumir en maior ou menor intensidade e que non son un fin en si mesmo senón un escenario máis –acotado temporalmente- no exercicio da profesión.

• As gañas de traballar polo futuro desta facultade, aínda que custe entendelo ou crelo nos tempos de individualismo, competitividade, dificultade e conflitividade crecente que temos, que en defini-tiva é o futuro das persoas que aquí traballamos, das xeracións vindeiras de mestras e mestres, profesoras e profesores, educadoras e educadores e pedagogas e pedagogos do sistema educativo galego. Este equipo humano e profesional comparte unha visión: “O momento é agora, a razón somos todas e todos”.

3. A experiencia de xestión previa

O equipo que integra esta candidatura conta cunha bagaxe previa que pode ser de utilidade para todo o centro neste momento. Asumindo que o goberno dunha facultade será unha tarefa complexa e novi-dosa para todo o equipo e que requirirá unha rodaxe durante os primeiros meses, entendemos que a experiencia de xestión previa de todas e todos os seus integrantes, xunto co bo facer profesional do PAS deste centro, constitúen un capital imprescindible. O equipo de profesoras e profesores que compoñen esta candidatura contan con experiencia previa nos ámbitos de xestión académica e profesorado, de ve-rificación, seguimento e coordinación de títulos, prácticas, xestión de medios, recursos, infraestruturas e servizos académicos e tamén de xestión de actividades de extensión cultural, programas de intercambio e mobilidade de estudantes. Esta experiencia previa e complementaria poñerase agora ao servizo dun proxecto común de centro e permitirá abordar desde una visión anticipativa e con garantías os retos que se presenten.

COMPROMISO E ÉTICA QUE SUSTENTA ESTA CANDIDATURA

Ningunha proposta de goberno é neutra, nin nas súas intencións –que implican unha dirección- nin nas súas formas –que indican o como se vai abordar o exercicio de funcións. O equipo que configura esta candidatura e moi especialmente quen a encabeza, cre firmemente que unha visión común sobre o noso futuro e decidir cara a onde imos, un bo clima de traballo e a implicación de todas e todos nas decisións e actividades do centro son as tres claves que nos poden conducir ao éxito e a mellora. Por iso asumimos seis compromisos que levan implícitos uns principios de funcionamento claros:

1. Lealdade coa institución, coherencia e honradez nas nosas decisións académicas.

2. Igualdade-horizontalidade. Todas as persoas somos precisas e non sobra ninguén nin nada do que conforma o noso centro (persoas, titulacións, departamentos e áreas, estruturas administra-tivas, organizacións estudantís, etc.)

5



3. Pacto e consenso na toma de decisións que afecten a toda a comunidade educativa e/ou a unidades desta. Planificar, vertebrar intereses comúns e favorecer a proxección de todas e todos.

4. Información e transparencia. Claridade e inmediatez para ser eficaces e conformar estratexias xuntos.

5. Estimulo e apoio ás iniciativas que xurdan desde o propio centro.

6. Dedicación. Actitude e tempo.

LIÑAS DE ACTUACIÓN E MEDIDAS CONCRETAS

O programa está conformado por sete liñas de actuación nas que se detallan, sen ser exhaustivas, algun-has medidas concretas:

LIÑA DE ACTUACIÓN 1

Proxección exterior, visibilidade institucional e vinculacións cos axentes edu-cativos e sociais

Como institución universitaria e como Facultade de Ciencias da Educación temos unha función social irrenunciable: formar profesionais da educación e aportar coñecemento e servizos educativos relevan-tes para a cidadanía. Sen educación non hai futuro, nin calidade de vida, nin xustiza social. Esta comu-nidade educativa é unha das pezas clave do da educación e do sistema educativo galego e por iso debe “ser” e “parecer” unha institución dinámica, cun discurso propio e rigoroso, visible e aberta permanente-mente á colaboración con outros axentes (educativos, profesionais, civís, etc.). Nos tempos que vivimos, de cuestionamento e ataque a educación pública temos que redobrar os nosos esforzos para liderar o discurso sobre a educación e construílo coa comunidade. Isto esixe unha política clara de proxección exterior e de colaboración con outros axentes que participen no noso centro e que nos permitan tamén colaborar nas súas iniciativas. Moitos son os grupos e profesionais do noso centro que traballan cóbado a cóbado con outros axentes pero necesitamos que todas esas iniciativas sexan apoiadas e visibilizadas pola facultade.

Para iso propoñemos as seguintes accións:

1. Maior presenza nos medios de comunicación social mediante unha estratexia corporativa que permita dar resposta aos problemas, conflitos e propostas educativas emerxentes. Dispoñemos de profesionais cualificados para liderar un discurso potente en todos os ámbitos e campos de coñecemento educativo. Non podemos permitir que outras/os se apropien do discurso educativo con frivolidade e sen coñecemento e esa sexa a mensaxe que chega á sociedade.

2. Redeseño da Web institucional: unha web máis dinámica que permita a interacción e comunica-ción e visibilice o conxunto de servizos que ofrecemos (servizos, programas de formación, meto-doloxías, instrumentos, recursos, formación, creacións artísticas, solucións e innovacións educati-

6



vas, investigación e coñecemento experto...) respondendo ao tempo ás esixencias de información dos procesos de seguimento e acreditación de títulos.

3. Presenza activa no colexio de decanos das Facultades de Ciencias da Educación especialmente nun momento en que os graos xa foron plenamente implementados e estamos en condicións de avaliar os resultados da reforma, e en que as titulacións están sendo cuestionadas con claros intereses (3+2)

4. Intensificar o contacto e a colaboración cos colexios e asociacións profesionais, ANPAS, institu-cións e asociacións educativas da nosa contorna, servizos educativos dos concellos, movementos innovadores, etc.

5. Intensificar a participación da facultade no programa “A Ponte”, promovendo as visitas de cen-tros educativos á facultade e a presenza de profesorado nos centros de ensinanza media para difundir a oferta.

6. Intensificar a mobilidade Internacional dos membros do noso centro e a proxección Internacio-nal do mesmo.

7. Crear un catálogo dinámico de servizos educativos que ofrecemos desde o centro (grupos de investigación, áreas e departamentos, profesorado en particular...).


Impulso do liderado da USC nas titulacións de Ciencias da Educación no SUG: mellora da docencia, renovación de acreditacións e consolidación da oferta de posgrao.

A implantación dos graos e másters oficiais foi un dos retos máis intensos que asumiu o equipo decanal saínte. Un proceso difícil pola responsabilidade que conleva, polo que supuxo de renovación e axuste á nova estrutura curricular do coñecemento educativo que xeramos nas nosas áreas e polas condicións estruturais incoherentes e antipedagóxicas nas que tivemos que poñer en marcha a reforma. Nestes momentos, cos planes implementados por completo debemos asumir o reto de analizar resultados e reaxustar a oferta para corrixir os desaxustes que vimos detectando. Non podemos obviar que exis-. Non podemos obviar que exis-ten necesidades claras de mellora en todos os títulos. Tampouco que imos estar sometidos de novo a presións administrativas de cambio que probablemente non respondan a criterios académicos senón a unha intencionalidade de maior control e desestabilización das universidades públicas. Neste esce-nario turbulento é imprescindible unha estratexia de centro que se apoie nunha análise de procesos e resultados sistemática en todos os títulos, na posta en marcha de medidas que revertan nunha mellor experiencia formativa do alumnado, nunha visión global centrada nos seus intereses e os do centro e nun amplo nivel de consenso nas decisións que tomemos, sabendo que probablemente non será doado e debemos responder con acerto.

7



Para iso propoñemos as seguintes accións:

1. Planificar e promover a acreditación do centro a medio prazo conforme ás novas normativas en desenvolvemento da ANECA (coa finalidade de reducir burocracia e trámites administrativos nos procesos de verificación e seguimento de títulos)

2. Implicar a todo o centro no seguimento dos títulos e a renovación das acreditacións posto que as consecuencias destes procesos teñen un grande alcance no futuro do centro (estabilidade das comisións de coordinación, coordinación Santiago-Lugo nos graos de mestre, implicación no pro-ceso de renovación das acreditacións inminentes dos graos)

3. Conseguir a renovación das acreditacións de todos os títulos oficiais do centro (graduando o proceso nos graos e anticipándonos se é posible)

4. Planificar a medio e longo prazo a estrutura de títulos do centro garantindo a continuidade me-diante estudos de postgrao que dean resposta aos itinerarios profesionais de todos os graos do centro (catálogo estable e ben dimensionado)

5. Manter unha oferta de prazas ben dimensionada conforme aos recursos humanos e as infraes-truturas e medios dispoñibles (nestes momentos de crise e falta de recursos priorizar a calidade e a estabilidade fronte ao crecemento)

6. Elaborar a PDA desde unha visión conxunta de centro e da necesaria complementariedade e colaboración entre as áreas e departamentos implicados nos títulos (estratexia imprescindible xa ante a falta de resposta ás imperiosas necesidades docentes que se producen nas áreas)

7. Axustar os grupos da PDA ao número definitivo de matrícula (revisión e solicitude de axustes ao XOPRA ao peche de matrícula) e as ratios establecidas pola universidade.

8. Reforzar as estruturas de coordinación dos graos, simplificar as dinámicas de coordinación e implicar ao alumnado na análise da realidade (menos burocracia e unha estratexia/protocolo de actuación común en todos os graos)

9. Impulsar e difundir o servizo de recursos psicopedagóxicos do centro.

10. Impulsar e facer máis operativa a Comisión da Biblioteca.

11. Instar nos órganos e estruturas correspondentes (Colexio de Decanos, Claustro, Consello de Goberno, Comisións Delegadas, etc.) á simplificación e ao apoio técnico preciso nas tarefas admi-nistrativas dos procesos de calidade (grao, máster e doutoramento)

12. Mellora do practicum dos títulos mediante a revisión de protocolos e guías, o seguimento no centro e unha estrutura de convenios renovada e potente que permita desenvolver as prácticas tendo en conta a especificidade de cada título e os seus ámbitos de inserción laboral (renovación e ampliación de convenios, convenio específico coa Consellería de Educación, da Xunta de Galicia, para as prácticas dos títulos de grao en mestre/a que estableza un recoñecemento dos titores/as efectivos/as e un marco común para o dito practicum dos títulos de grao en mestre/a nas titula-cións do SUG)

13. Mellora do TFG dos títulos do centro mediante a flexibilización e o desenvolvemento de diver-sas modalidades de presentación, o establecemento de criterios de avaliación comúns e equilibra-

8




Acompañamento, dinamización, participación na vida do centro e fidelización do alumnado

A formación académica do alumnado que deposita a súa confianza en nós elixindo a Universidade de Santiago para formarse nos graos, másters, cursos de formación continua, especialización, etc. que se imparten na Facultade de Ciencias da Educación é, sen lugar a dúbidas, a nosa principal razón de ser. Formar aos profesionais da educación do futuro, ou apoiar a actualización dos coñecementos dos que están neste momento en activo, non é unha tarefa banal aínda que algunhas persoas se empeñen en trivializar ou desprezar esta cuestión (a docencia e as Ciencias da Educación). A etapa universitaria constitúe non só unha fonte de aprendizaxes académicas relevantes, senón que tamén conforma unha actitude ante a vida e uns valores no exercicio da profesión. O desenvolvemento deses coñecementos, actitudes e valores require unha experiencia amigable na que o noso alumnado desenvolva un vínculo co centro, se sinta parte desta comunidade educativa e participe activa e responsablemente dentro e fora dela. Se entendemos a educación como un proceso de maduración e crecemento persoal, a nosa función docente non pode limitarse á adquisición duns contidos científicos, senón que teremos que ser moi conscientes de que estamos formando universitarios/as e futuros profesionais co que conleva de implicación profesional, orientación e traballo en equipo. Os centros máis prestixiosos do mundo carac-terízanse por un alto grao de identificación e sentido de pertenza dos seus membros e nesa dirección gustaríanos avanzar.

Para traballar nesta liña propoñemos as seguintes accións:

dos coa natureza e condicións nos que se desenvolven os TFG.

14. Instar nos foros correspondentes, coa complicidade doutros centros coas mesmas problemáti-cas (como a Facultade de Psicoloxía) ao recoñecemento da dedicación real que esixen os TFG, TFM, o Practicum e as prácticas obrigatorias nos nosos títulos.

15. Axilizar e facilitar/automatizar os procesos de convalidación de materias inter-títulos de Cien-cias da Educación (táboa de convalidacións que permitan a continuidade e/ou ampliación de estu-dios do alumnado do noso centro).

16. Impulsar e visibilizar as experiencias innovadoras e exemplos de boas prácticas que se desen-volvan no centro ou noutros centros de referencia e que poidan ser de interese para a facultade.

1. Deseñar un plan de orientación académico-profesional para o alumnado do centro que ofreza asesoramento baixo demanda no seu itinerario académico e na transición á vida profesional co apoio do Servizo de Orientación da USC.

2. Elaborar un Plan Piloto de Acción Titorial de Centro que permita o seguimento do alumnado desde o seu ingreso ata a finalización dos seus estudos de Grao.

3. Difundir e dinamizar o Programa de Titores/as do centro con especial énfase na acollida de alumnado de novo ingreso e de alumnado de intercambio e reforzar a titoría entre iguais.

4. Crear espazos de colaboración e coordinación continuada entre o decanato e as persoas repre-sentantes do alumnado e asociacións estudantís con presenza no centro (canles de comunicación

9




Apoio aos departamentos e unidades administrativas no desenvolvemento das súas funcións e especialmente no relevo do Cadro de PDI e PAS do cen-tro.

A perda de recursos humanos polas xubilacións e a falta de recursos humanos suficientes asociada tanto a políticas de plantilla mal dimensionadas na institución como as limitacións da taxa de reposición, teñen graves consecuencias nun centro como o noso con titulacións de grande demanda e cunha actividade investigadora e produción científica que é, e foi, unha constante probablemente escasamente visibili-zada. A falta de reposición está a supoñer un claro prexuízo á calidade do ensino e da investigación do noso centro. Durante os últimos cursos académicos iniciamos as clases sen profesorado abondo para asumir a docencia do centro, o noso profesorado vese afectado por unha grande inestabilidade nas ma-terias a impartir ao verse obrigado, a pesares de ter o seu POD, a asumires materias doutros campos de coñecemento diferentes ao seu por falta de reposición ou atrasos incomprensibles na convocatoria de prazas. O PAS do centro afectado tamén pola falta de reposición e a insuficiencia de recursos (un claro exemplo é a inexistencia de apoio administrativo do Máster Universitario de profesorado de Secundaria Obrigatoria e Bacharelato, Formación Profesional e Ensinanza de Idiomas ou a falta de substitución de postos de secretaría dalgún departamento) experimenta unha sobredimensión nas tarefas e funcións que provoca dificultades e atrasos na xestión e un grande desgaste persoal e profesional. Se a calidade docente se ve minguada como consecuencia da falta de recursos mínimos para asumir a oferta, non me-nos afectada se ve a nosa carreira profesional, as posibilidades de promoción e a calidade e intensidade da nosa investigación que se manifesta na imposibilidade de realizar estancias, de gozar de sabáticos nas mesmas condicións que outros centros, de facer efectivas reducións e recoñecementos por produ-tividade científica e outras actividades académicas de coordinación ou a falta do tempo preciso para a dirección de proxectos competitivos e para a divulgación científica.

permanente e bidireccional entre o decanato e o alumnado, xuntanzas periódicas co equipo deca-nal para a coordinación e planificación de accións académicas, culturais e sociais).

5. Implicar, estimular e favorecer a participación do alumnado nos diferentes servizos e activida-des do centro e nos eventos de interese educativo da nosa comunidade autónoma, tecido asocia-tivo e no mundo das organizacións educativas.

6. Promover a representación estudantil e a implicación do alumnado na vida e órganos do centro dende o seu ingreso no mesmo (Claustro, Xunta de Facultade, Consellos de Departamento...)

7. Promover a mobilidade e internacionalización e recibir e acompañar ao alumnado de intercam-bio.

8. Dar a coñecer os programas existentes na USC de Certificación e desenvolvemento de compe-tencias transversais no Suplemento Europeo ao Título (SET) e estimular a participación do alumna-do neles coa axuda dos diferentes servizos da USC (Biblioteca, Centro de Linguas Modernas (CLM), etc.)

9. Habilitar canles e estratexias de seguimento do alumnado egresado e desenvolver unha estra-texia de apoio á empregabilidade do noso alumnado (relación co mundo do traballo, difusión/valoración dos perfís profesionais do noso alumnado egresado).

10



É evidente que a política de equipo corresponde aos departamentos, pero tamén que dende o decanato pode e debe promoverse unha estratexia conxunta para afrontar esta situación, visibilizar estas proble-máticas e esixir un tratamento digno e responsable en materia de recursos humanos e oferta docente que nos permita traballar cos recursos necesarios e promover profesionalmente tendo unhas condi-cións de traballo axeitadas e equivalentes polo menos ás doutros centros.

Para traballar nesta liña de actuación propoñemos as seguintes accións:

1. Establecer coas direccións dos departamentos un segundo nivel de goberno do centro que per-mita, mediante reunións periódicas, a visibilización das condicións de traballo do profesorado do centro, a planificación de accións coordinadas, a análise das problemáticas existentes e a busca de solucións conxuntas.

2. Solicitar, xunto con outros centros e departamentos afectados, unha solución urxente á promo-ción paralizada do profesorado Axudante Doutor cuns concursos de promoción que foron anula-dos (agora que a taxa de reposición se incrementou ao 50% debemos esixir a aplicación, en 2015, da normativa laboral vixente). De igual xeito de maneira graduada a de todo aquel profesorado Axudante Doutor do centro acreditado que finalice contrato.

3. Anticiparse, unha vez aprobada a PDA, ás necesidades de profesorado existente e colaborar cos departamentos na solicitude das reposicións precisas, instando á celeridade na súa cobertura.

4. Favorecer a formación do PDI novel mediante a promoción de actividades de formación no centro e a colaboración do profesorado ad honorem no desenvolvemento profesional dos e das máis novos/as.

5. Crear un “Grupo de expertos/as para a mellora docente” integrado por profesorado con ampla e recoñecida traxectoria docente, que poida dar apoio ante demandas específicas de PDI novel (posta en marcha dunha innovacións, desenvolvemento de metodoloxías, observación de aulas, uso de recursos específicos...)

6. Solicitar a dotación dun posto de apoio administrativo asociado á xestión do Máster de Profe-sorado de Educación Secundaria Obrigatoria e Bacharelato, Formación Profesional e Ensinanza de Idiomas no campus norte.

7. Apoiar a petición dos departamentos de substitución de persoal administrativo vacante ou de baixa.

8. Solicitar (en coordinación con outros centros como Enfermaría, Medicina, Económicas ou Psico-loxía) o desenvolvemento dun módulo específico en xescampus para a xestión do practicum, prác-ticas obrigatorias e TFG e TFM que permita simplificar e automatizar tarefas administrativas como a elaboración de actas de TFG e TFM ou a certificación/nomeamento de titores/as do practicum.

9. Simplificar os procesos de achega dos exemplares de TFG e TFM mediante a súa entrega a través das aulas virtuais de coordinación dos títulos e despois en bloque á secretaría do centro (evitando deste xeito a saturación do correo electrónico).

10. Negociar coa Consellería de Educación a redución de tarefas administrativas duplicadas do Máster de Profesorado de Educación Secundaria Obrigatoria e Bacharelato, Formación Profesio-nal e Ensinanza de Idiomas como son o nomeamento e a certificación de ter sido titores/as de prácticas.

11




Política científica e de apoio aos grupos de investigación e ao profesorado novel

A actividade investigadora é inherente ao noso centro e as nosas funcións e ten sido constante a pe-sares das condicións de sobrecarga docente dos departamentos. A renovación xeracional que se está producindo debe ir acompañada dun impulso das carreiras investigadoras das xeracións máis mozas que permite consolidar e se cabe estender a actividades investigadora da facultade. Por outra banda, existe unha longa tradición de divulgación da nosa actividade de I+D+i mediante a publicación de libros e capítulos de libros en editoriais de prestixio ou en código aberto, en revistas especializadas e moi vincu-ladas ao contexto da práctica, en congresos e foros educativos de carácter local, nacional, internacional, etc. Pero, sen embargo, tamén debemos traballar nunha maior visibilidade e impacto do coñecemento científico que producimos conforme a criterios de medición da actividade investigadora que se van im-poñendo tamén nas Ciencias Sociais e que hoxe en día están condicionando de forma moi importante o recoñecemento académico e as condicións de traballo na universidade.

Ambos os dous retos –consolidación da actividade investigadora nas xeracións máis mozas e visibiliza-ción do coñecemento científico segundo os criterios de medición actuais- deben constituír, xunto coa concorrencia a convocatorias de I+D+i competitivas e a obtención de proxectos e redes de excelencia, unha das prioridades dos grupos de investigación do centro para manter o liderado no SUG. Para apoiar desde o centro aos grupos de investigación neste obxectivo e crear sinerxias entre eles que potencien o desenvolvemento de iniciativas conxuntas

Propoñendo as seguintes accións:

1. Crear un “Grupo de expertos/as para o impulso da investigación” integrado por profesorado con ampla e recoñecida traxectoria investigadora, que poida dar apoio ante demandas específicas do PDI novel (coñecemento de convocatorias e criterios de éxito, asesoramento na estratexia de publicación de resultados, asesoramento metodolóxico, etc.)

2. Organizar actividades de formación no centro orientadas ao desenvolvemento de habilidades para a investigación educativa e ao intercambio e re-coñecemento da actividade científica de gru-pos e investigadores/as contando coa colaboración de profesorado e investigadores/as ad hono-rem.

3. Impulsar e apoiar á Asociación de investigadores e investigadoras Herminio Barreiro mediante a visibilización das súas actividades no centro e na universidade, a colaboración na incorporación de novos investigadores/as e a habilitación dun espazo-sede.

4. Apoiar e estimular a organización do Congreso Galego de Investigación en Ciencias da Educa-ción (COGALICE) para garantir a continuidade deste foro.

5. Difundir de forma coordinada a actividade científica e os resultados de investigación, obtidos por investigadores/as e grupos da facultade (premios, proxectos, publicacións, nomeamentos, etc.). Elaboración dunha memoria anual de I+D+i do centro e publicación da mesma na web e di-fusión continuada de actividades e resultados.

6. Promover e visibilizar a nosa presencia en redes científicas e contactos con centros de investi-gación internacionais.

12




Cohesión, convivencia, integración real do noso centro en base aos recursos e potencialidades complementarias que temos

Somos un centro plural e diverso, e nesa pluralidade reside tamén a complexidade da nosa tarefa e iden-tidade. A nosa facultade procede de dous centros con traxectorias e bagaxes académicas e científicas diferentes. Ademais vémonos obrigadas/os a traballar en dous edificios diferentes. A situación económi-ca da USC non fai previsible unha solución a corto prazo, pero non podemos esperar a que esta circuns-tancia se solucione para traballar por unha integración real entre o campus norte e o campus sur. Entre todas e todos aportamos moitas potencialidades e só se sabemos recoñecelas e promovelas seremos máis fortes e estaremos en condicións de afrontar con éxito os retos que se nos propoñen.

Necesitamos afrontar o traballo diario e as funcións docentes e investigadoras que temos encomenda-das en colaboración, apoiándonos no coñecemento e recoñecemento mutuo, na complementariedade e na busca da calidade, cada quen aportando a súa experiencia e coñecemento experto. É evidente que a mellora das instalacións, especialmente as situadas no campus norte, é unha necesidade ineludible que debe asumirse como unha prioridade de toda a facultade. Pero tamén é evidente que necesitamos esta-blecer sinerxias internas e poñer en marcha accións que permitan coñecernos e desenvolver proxectos conxuntos desde o respecto e a lealdade. Para iso debemos xerar espazos de reflexión e planificación conxunta que vaian máis ala dos trámites e procesos administrativos do día a día e que nos permitan unha maior convivencia e sentido de comunidade. Unha boa parte das medidas propostas nos parágra-fos anteriores nas outras liñas reverten tamén nesta liña de actuación.

Pero ademais propoñemos nesta as seguintes accións:

1. Mellorar progresivamente as infraestructuras do centro, especialmente do edificio do campus norte.

2. Promover escenarios para a planificación e a análise conxunta sosegada das cuestións estratéxi-cas para o centro (relevo, títulos, acción docente, investigación...)

3. Garantir a presenza de todas as áreas de xestión do decanato nos dous campus.

4. Habilitar espazos nos dous campus que permitan ao profesorado dispor de espazos comúns e confortables en ambas as dúas sedes para o desenvolvemento das súas funcións e a interacción con outros (docencia, titoría, investigación, extensión cultural...)

5. Habilitar e facer visibles, nos dous campus, espazos para o desenvolvemento das funcións de dinamización e representación estudantil do alumnado.

6. Visibilizar na web todos os servizos, unidades, grupos de investigación, representantes e asocia-cións estudantís.

7. Actualizar e reorganizar as comisións delegadas da Xunta de Facultade.

8. Promover iniciativas docentes, investigadoras e culturais híbridas.

9. Establecer protocolos comúns en todos os títulos da facultade.

10. Promover, na medida do posible, convenio con tarifas reducidas no aparcadoiro de Xoán XXIII

13




Divulgación, extensión cultural e normalización lingüística

A Universidade de Santiago de Compostela, a través dos seus centros e servizos, situase como a ins-titución cultural de maior relevancia de Galicia. Ofrecemos á sociedade non só docencia e investiga-ción senón que somos depositarios dun valioso patrimonio cultural e artístico. Como educadores/as ademais temos unha responsabilidade na promoción, o desenvolvemento de valores de respecto e o recoñecemento da cultura en todas as súas formas e manifestacións. O paso pola universidade do noso alumnado debe configurar unha experiencia enriquecedora e equilibrada de desenvolvemento persoal e profesional e, no noso centro especialmente, debe supoñer para todos/as (profesorado, alumnado e PAS) unha forma de contacto, desfrute (educación para o ocio) e apertura á cultura e a arte en todas as súas formas, tendencias e manifestacións, desde as máis tradicionais as máis emerxentes. Por iso, en-tendemos esta liña de actuación como unha liña transversal que debe percorrer e manifestarse en todos os ámbitos do centro. Afortunadamente, ademais do conxunto de servizos e actividades promovidas polos servizos centrais da universidade, contamos para isto no centro con especialistas de recoñecido prestixio no mundo das artes plásticas, a música, a danza, a literatura, o patrimonio cultural galego, a xeografía e o territorio e a divulgación científica.

Unha especial atención merece a nosa lingua e cultura propia. Temos a responsabilidade de preservalas e máis se cabe aínda nun momento de rápido retroceso que se manifesta xa nas prácticas lingüísticas e preconcepcións coas que chega o noso alumnado ás aulas. O noso centro é un dos centros de referencia da USC neste ámbito e debemos continuar nesa dirección. A promoción do uso da nosa lingua nas aulas, a elaboración e difusión das nosas producións e materiais en galego, a divulgación e coidado do noso patrimonio, a proxección da facultade na cidade e nas pequenas vilas próximas e a vinculación constante coas institucións socio-culturais da nosa contorna deben ser un trazo que nos siga caracterizando.

Para isto propoñemos as seguintes accións:

para o profesorado do centro.

1. Promover e manter relacións fluídas e actividades coordinadas coas institucións e asociacións culturais da contorna.

2. Dinamizar a comisión cultural e implicar ao alumnado na organización e desenvolvemento de iniciativas en función dos seus propios intereses e demandas.

3. Informar e impulsar a participación dos membros da facultade (alumnado, profesorado e PAS) nas actividades de divulgación e extensión cultural do centro e da USC.

4. Colaborar coa Aula de Teatro da USC e promover e difundir a actividade do grupo de teatro da facultade (ciclo/certame de teatro).

5. Impulsar o desenvolvemento/participación dos membros da facultade (alumnado, profesora-do e PAS) en actividades saudables que nos permitan xerar espazos de convivencia na facultade (educación para a voz, rutas organizadas polo servizo de deportes ou a Fundación USC deportiva).

6. Promover foros de intercambio de profesorado e alumnado que participe nos programas de mobilidade ou realice estancias no estranxeiro de forma que permita coñecer outras realidades desde o punto de vista cultural e educativo e promover a mobilidade e internacionalización no

14



noso centro.

7. Organizar charlas/conferencias/mesas redondas sobre temas de actualidade que permitan xe-rar debate e opinión no centro.

8. Organizar ciclos de cine, literatura e música como ferramentas educativas.

9. Promover intervencións artísticas na facultade coordinadas polo profesorado do Departamento de Didáctica da Expresión Musical, Plástica e Corporal.

10. Colaboración co Servizo de Normalización Lingüística da USC no desenvolvemento de campa-ñas de promoción uso do galego nas aulas, así como en todas aquelas iniciativas en materia de normalización lingüística posta en marcha na USC.

11 Convocatoria e difusión dos premios á calidade e á excelencia lingüística no centro.

12. Promoción e organización de experiencias de dinamización lingüística entre os membros da facultade e coa contorna.

13. Organización de conferencias e mesas redondas sobre a situación da lingua galega no sistema educativo e na sociedade.

14. Difusión e promoción da elaboración de recursos educativos en galego.

15



EQUIPO E ESTRUTURA DE GOBERNO (PERSOAS E FUNCIÓNS)

Todo isto require persoas comprometidas (equipo e comunidade) e un liderado forte.

DECANA

Profa. Dna. Carmen Fernández Morante

SECRETARIA Profa. Dna. Cristina Abeal Pereira

VICEDECANA DE TITULACIÓNS,PRACTICUM E RELACIÓNS INSTITUCIONAIS

Profa. Dna. Maria José Méndez Lois

VICEDECANA DE ORGANIZACIÓN ACADÉMICA, ECONOMÍA E INFRAESTRUTURAS

Profa. Dna. Josefa del Carmen Fernándezde la Iglesia

VICEDECANO DE ESTUDANTES,MOBILIDADE E CULTURA

Prof. D. Martín Leranoz Iglesias

VICEDECANATO DE COORDINACIÓN DO MÁSTER DE PROFESORA-DO DE EDUCACIÓN SECUNDARIA OBRIGATORIA E BACHARELATO,

FORMACIÓN PROFESIONAL E ENSINANZA DE IDIOMAS (*)

(*) Atendendo á petición do Prof. Bieito Silva Valdivia que leva desenvolvendo esta función du-

rante un largo período de tempo e tendo en conta que o máster está inmerso nestes momentos

nun proceso de seguimento e de renovación de acreditación, a fináis do mes de outubro que

remata o proceso de seguimento do título, produciríase o relevo neste posto. Nese momento este

vicedecanato sería asumido por un profesor/a con dedicación exclusiva das áreas de Didácticas

Específicas da Facultade (campus norte).

Candidatura da Profa. dra. Carmen fernández morante

PROGRAMA PARA O DECANATO DA FACULTADE DE CIENCIAS DA EDUCACIÓN

DA UNIVERSIDADE DE SANTIAGO DE COMPOSTELA PARA O PERIODO 2014-2018

PROGRAMA PARA O DECANATO DA FACULTADE DE … › export9 › sites › webinstitucional › ...A...

Documents

Transcript of PROGRAMA PARA O DECANATO DA FACULTADE DE … › export9 › sites › webinstitucional › ...A...