Cámara estenopeica construccion
-
Upload
plastilina3 -
Category
Documents
-
view
634 -
download
1
Transcript of Cámara estenopeica construccion
A CÁMARA ESTENOPEICA
I.E.S. Nº 1 de A EstradaEdu. Plástica e Visual
Prof.: A. Sanmartín
Construcción
MATERIAL PARA A CONSTRUCCIÓN DA CÁMARA
Serve calquera recipiente que non permita pasar a luz, podemos reciclar botes
e caixas para fabricarnos unha estenopeica (caixas de galletas, arroz, chocolate
en po...). As caixas de cartón adoitan dar máis problemas á hora de conseguir
que non entre nin un fío de luz.
Moitas veces queremos construír a cámara á medida das nosas necesidades.
Podemos usar para elo cartón pluma, madeira, metal, etc.
INTERIOR DA CÁMARA
É conveniente que pintemos o interior da nosa cámara con pintura negra mate,
deste xeito non se producirán reflexos nas paredes interiores que poidan crear
imaxes falsas sobre o material sensible.
O ESTENOPO
É o orificio polo que entra ao interior da cámara. O seu diámetro regula a
cantidade de luz, sería o equivalente ao diafragma dunha cámara convencional.
O tamaño do estenopo que temos que utilizar é aproximadamente o diámetro
dunha agulla.
Este diámetro vén condicionado pola distancia focal que nunha cámara
estenopeica é a distancia que hai desde o estenopo ata o lado oposto, onde se
sitúa a emulsión sensible.
Canto máis pequeno sexa o estenopo, máis nítida formarase a imaxe pero mais
tempo necesitarase para queimar o negativo. Para facer o buraco podemos
utilizar agullas de coser.
A DISTANCIA FOCAL E O ÁNGULO DE CAMPO
A distancia focal é a distancia que hai entre o estenopo e o plano onde se forma
a imaxe (plano focal). Determina o ángulo de campo que vai cubrir a nosa
cámara e está directamente relacionada co formato.
Se queremos construír unha cámara de focal "normal" (que cubra uns 50 graos
de ángulo de campo) a distancia focal (distancia entre parede de buraco e
parede con material fotosensible) ten que coincidir coa medida da diagonal do
formato.
Por exemplo, se temos un negativo de 9 x 12 centímetros, acharemos a
diagonal: F como a raíz cadrada da suma dos lados ao cadrado, isto a raiz de 81
mais 144, ou sexa que a diagonal será 15 cm. De modo que, para este
exemplo, unha caixa de 15 cm de longo daranos unha cámara de distancia
focal normal.
É importante que o material sobre o que se realiza o estenopo sexa
delgado á vez que resistente, sendo aconsellable usar estaño ou
aluminio de pouco gramaxe. Tamén convén lixar os bordes do
estenopo e volverlle a pasar a agulla, así conseguimos que non quede
rebaba e evitamos a difracción da luz ao chocar cos bordos rugosos.
A continuación mostramos os números de agullas que se poden atopar
no mercado coa súa medida en milímetros correspondente:
Nº 5=0,8mm Nº 6=0,72mm Nº 7=0,65mm Nº 8=0,58 mm
Nº 9=0,51mm Nº 10=0,46mm Nº 11=0,40mm Nº 12=0,35mm
Nº 15=0,27mm.
Se mide menos de 15 cm, teremos unha focal curta que cubrirá un
campo de máis de 60 graos, é dicir conseguimos un gran angular. Se
temos unha caixa maior de 15 cm, cubriremos un ángulo de campo
menor de 45 graos e así obteriamos un teleobjetivo. Ata poderiamos
deseñar unha cámara con distancia focal variable simplemente
situando a emulsión sensible máis cerca ou máis lonxe do estenopo.
A relación entre estes dous elementos, a distancia focal e o ángulo de
campo é inversamente proporcional: a maior distancia, correspóndelle
un menor ángulo de campo e viceversa.
COMO DETECTAR ERROS E RESOLVELOS
Negativo oscuro Exceso de exposición
Negativo claro Falta de exposición
Imaxe negativa pouco nítida a) estenopo demasiado grande
b) movemento durante a exposición
Negativo correcto pero sen brancos
limpos
Lixeiro veo debido a unha pequena
entrada de luz
Parte do negativo oscuro Entrada de luz
Imaxe negativa con zonas a modo de
estrías negras ou brancas
Difracción por falta de lijado no
estenopo
Imaxe negativa correcta pero que
non cobre o papel
a) distancia focal curta para ese
formato
b) buraco externo da caixa pequeño